«Ствараў уражанне, што ведае пра кухні ўсё»

Аферыст падмануў менчукоў на 32 тысячы рублёў.

Гісторый пра нядобрасумленных майстраў кухань поўна. Адзін з іх паўтара года вадзіў за нос менчукоў і паспеў пдмануць іх на 32 тысячы рублёў, але ўсё ж трапіўся праваахоўнікам. Падрабязнасці паведамляе тэлеграм-канал «Міліцыя Менска»".

У міліцыю звярнуліся восем жыхароў Менска, якія пацярпелі ад дзеянняў нядобрасумленнага вытворцы мэблі.

- Прыехаў на замер. Стварыў уражанне, што ён вельмі дасведчаны і ўсё ведае пра кухні. Агулам расказваў усё вельмі прыгожа і маляўніча, — так апісвае сустрэчу з майстрам адзін з пацярпелых.

Расследаваць справу ўзяліся аператыўнікі Заводскага РУУС. Яны выявілі, што 50-гадовы кіраўнік фірмы на працягу паўтары года уклаў дамовы на выраб кухоннай мэблі. Замоўцы плацілі перадаплату гатўкай - ад 80 да 100% ад кошту кухні.

Майстар нават прывозіў на аб'екты будматэрыялы, аднак далейшыя абавязкі не выконваў і знікаў. Акрамя таго, ён не выплачваў падаткі з атрыманага даходу і падаваў у падатковыя органы недакладныя звесткі, паказваючы адсутнасць прыбытку.

Цікава, што пазбегнуць нядобрага супрацоўніцтва менчукі маглі, толькі ўважліва вывучыўшы негатыўныя водгукі пра спецыяліста, якіх у інтэрнэце поўна. Людзі знаходзілі яго праз сацсеткі, але не лічылі патрэбным трошкі пра яго пачытаць.

Агульная шкода склала больш як 32 тысячы рублёў. Распачатыя крымінальныя справы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com