«Разгром ядзернай трыяды РФ стаў прыніжэннем для Крамля»

Пуцін будзе спрабаваць ствараць унутраную карцінку.

Нягледзячы на міжнародныя заклікі да дыялогу, Пуцін зноў заявіў аб негатоўнасці ісці на перамовы з Украінай. У Крамлі працягваюць намагаць на сваіх палітычных і тэрытарыяльных патрабаваннях.

Ці можа быць абвастрэнне сітуацыі ў выпадку зрыву перамоў аб міры? Пра гэта сайт Charter97.org пагаварыў з украінскім экспэртам Уладзімірам Цыбулькам:

- Абвастрэнне і так ідзе, не па экспаненце, але яно павольна накручваецца. Сутнасць гэтага абвастрэння праглядаецца ў летне-восеньскай псіхічнай атацы Пуціна ва Украіну. Мы бачым заход у Сумскую вобласць, страшныя ўдары па цывільнай інфраструктуры.

Хутчэй за ўсё, ідзе разлік на запалохванне ўкраінцаў, але гэта кепскя ідэя. Пуціну хочацца паказаць, што ён усё яшчэ моцны. Пасля прыніжэння з разгромам ядзернай трыяды ён будзе спрабаваць ствараць унутраную карцінку, што ў яго ўсё добра, што ён наступае, што ён адваёўвае тэрыторыі.

Для Украіны цяпер важны не столькі наступ, колькі эканамічнае аслабленне Расеі. Пуцін будзе ваяваць роўна столькі, колькі эканоміка будзе дазваляць яму гэта рабіць.

- Якія формы гэта абвастрэння можа прыняць у найбліжэйшай будучыні?

- Самае гнюснае - гэта магчымае выкарыстанне тактычнай ядзернай зброі. У асноўным разлік пакуль ідзе на псіхалагічны тэрор супраць украінцаў, каб частка насельніцтва пачала прасіць Зяленскага пайсці на ўмовы Расеі. Хоць зразумела, што ўкраінцы на гэта не пойдуць.

- Наколькі імавернае ўцягванне Лукашэнкі ў далейшыя падзеі?

- Лукашэнка заўсёды быў інструментам у руках Крамля для запалохвання Украіны. Мы памятаем гэтую гісторыю з размяшчэннем ядзернай зброі. Калі б не было факту нападу з тэрыторыі Беларусі, да гэтага можна было б ставіцца як да чыста вербальнай інтэрвенцыі.

Але факт застаецца фактам — напад з беларускага боку быў. І Украіна вымушаная трымаць пэўную колькасць войскаў на мяжы з Беларуссю — менавіта такую, каб пры неабходнасці можна было дайсці да Менска без асаблівых перашкод.

Гэта адцягвае сілы ад іншых цікавых адцінкаў фронту. Цяпер украінскія войскі ў асноўным знаходзяцца ў актыўнай абароне. Часам яны пераходзяць у контрнаступ, адваёўваюць асобныя пазіцыі, якія маюць тактычнае значэнне — каб лепш падрыхтавацца да адбіцця наступных нападаў расейцаў. Пры гэтым стаўка робіцца цяпер на беспілотнікі і рабатызаваныя сістэмы. Мы ўжо можам бачыць эпічны бой паміж жывой сілай РФ і ўкраінскімі робатамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com