Трамп і Сі Цзіньпін дамовіліся аб сустрэчы ў Кітаі

Лідары Кітая і ЗША правялі першую тэлефонную размову пасля інаўгурацыі Трампа.

Прэзідэнт ЗША Дональд Трамп раскрыў дэталі размовы, якую ён правёў з лідарам Кітая Сі Цзіньпінам.

Аб гэтым Трамп напісаў у Truth Social.

З яго слоў, размова доўжылася блізу паўтары гадзіны і скончылася «вельмі пазітыўна для абедзвюх краін». Яны абмяркоўвалі, прынамсі, гандлёвае пагадненне і карысныя выкапні.

Акрамя гэтага Трамп анансаваў сустрэчу каманд ЗША і Кітая - час і месца для яе вызначаць пазней. Амерыканскі бок будуць прадстаўляць міністр фінансаў Скот Бэсэнт, міністр гандлю Говард Лутнік і гандлёвы прадстаўнік ЗША, пасол Джэмісан Грыр.

«Падчас размовы прэзідэнт Сі ласкава запрасіў першую лэдзі і мяне наведаць Кітай, і я адказаў узаемнасцю. Размова была амаль цалкам прысвечаная гандлю. Ніякіх тэм, звязаных з Расеяй, Украінай ці Іранам, не абмяркоўвалася», - дадаў прэзідэнт ЗША.

Варта заўважыць, што гэта першая размова лідараў Злучаных Штатаў і Кітая пасля інаўгурацыі Трампа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com