Мэрц падарыў Трампу пасведчанне аб нараджэнні ягонага дзеда, які эміграваў з Нямеччыны ў ЗША

У залатой раме.

Канцлер Нямеччыны Фрыдрых Мэрц падарыў прэзідэнту ЗША Дональду Трампу пасведчанне аб нараджэнні ягонага дзеда ў залатой раме - той іміграваў з Нямеччыны ў 1869 годзе. Пра гэта ў чацвер, 5 чэрвеня, паведаміла газета The Washington Post.

Як піша DW, дакумент, напісаны шрыфтам Зютэрліна, сведчыць нараджэнне Фрыдрыха Трампа ў нямецкай вёсцы Кальштат у 1869 годзе.

Выданне дадае, што Дзед Трампа эміграваў у ЗША ў 16 гадоў, дзе змяніў імя на Фрэдэрык Трамп і зрабіў багацце на гатэлі ў рэгіёне Кландайк, жыхарамі якога былі золаташукальнікі. Сам Трамп звычайна не падкрэслівае сваё нямецкае паходжанне, згадваючы толькі пра шатландскія карані маці, піша DW.

Акрамя гэтага, канцлер, які мае тое ж імя, што і дзед Трампа, напярэдадні свайго візіту запрасіў прэзідэнта ЗША наведаць Кальштат.

Падчас размовы Мэрц таксама нагадаў, што заўтра [6 чэрвеня] гадавіна высадкі ў Нармандыі, «калі амерыканцы скончылі вайну ў Еўропе». Трамп пасля гэтага сказаў, для іх гэта быў не вельмі прыемны дзень і засмяяўся. А Мэрц далей сур'ёзна кажа, што «гэта было вызваленне маёй краіны ад нацысцкай дыктатуры».

Раней паведамлялася, што 5 чэрвеня Мэрц правядзе свае першыя асабістыя перамовы з Трампам у Авальным кабінеце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com