«Беларускія прадукты» ў Казахстане трапілі ў скандал

Прадпрыемства забараняла мясцовым работнікам размаўляць паміж сабой на роднай мове.

Казахстанскія СМІ паведамляюць пра скандал, у які ў краіне трапіла сетка крамаў «Беларускія прадукты». Як заяўляецца, прадпрыемства забараняла мясцовым работнікам размаўляць паміж сабой на роднай мове, паведамляе «Белсат».

Сетка крам "Беларускія прадукты" пазіцыянуе сябе як афіцыйнага дыстрыбутара вядучых заводаў Беларусі на тэрыторыі Казахстана. Іх асартымент, як заяўляецца, уключае больш за 2500 найменняў мясных, каўбасных і малочных вырабаў, кансерваванай прадукцыі і паўфабрыкатаў, морапрадуктаў, соусаў і кандытарскіх вырабаў. На сёння сетка прадстаўленая больш за 100 крамамі ў самых буйных гарадах Казахстана. Яны прапануюць прадукцыю самых буйных заводаў - вытворцаў Менска, Віцебска, Гародні, Берасця, Гомельшчыны і Магілёўшчыны, «забяспечваючы бесперабойныя пастаўкі свежых прадуктаў у самыя кароткія тэрміны».

Але нядаўна ў іх узніклі пэўныя праблемы. «Тіл кеспек жоқ» піша, што ў пачатку траўня «Беларускія прадукты» зазналі крытыку ў сетцы Threads. Заяўлялася, што адна з супрацоўніц бухгалтарскага аддзела кампаніі, Айгуль Амангелдзіева, зазнала ціск за тое, што размаўляла па-казахску з калегам падчас працы, і ёй забаранілі гаварыць на казахскай мове на працы.

«Нас пачалі пераследаваць пасля таго, як нам заявілі, што на працы мы так гаворым па-расейску, а паміж сабой гаворым на роднай мове», – сказала Айгуль.

З ейных словах, галоўная бухгалтарка Святлана Беляновіч выгаварыла ім, запатрабаваўшы гаварыць не па-казахскі, а «на звычайным мове, якую разумеюць усе». На заўвагу, што паміж сабой казахі працягнуць размаўляць па-казахскі, на іх пачалі крычаць.

«Беларускія прадукты» зняпраўдзілі пра ўціск праз мову. А на Айгуль пазней наклалі штраф, склалі пратакол і правялі, з ейных слоў, псіхалагічны ціск:

«У мяне падняўся ціск, і я выклікала хуткую дапамогую.

Айгуль паведаміла пра прыгнёт, якім яна зазнала на працы, свайму кіраўніцтву і аддзелу кадраў. Аднак, з яе слоў, ніхто не распачаў ніякіх адпаведных дзеянняў і не пацікавіўся яе станам. У выніку жанчына сама звольнілася з працы.

І хоць пра забарону размаўляць у кампаніі па-казахску гавораць і іншыя былыя работнікі, самі «Беларускія прадукты» адмаўляюць гэта. Саму жанчыну ў кампаніі абвінавацілі ў хлусні і ў распальванні міжнацыянальнай варожасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com