Дроны атакавалі Маскву і Падмаскоўе

Ёсць траплянні ў Істры.

У горадзе Істра Маскоўскай вобласці пацярпелі два чалавекі ў выніку атакі дронаў. Пра гэта паведаміў губернатар рэгіёну Андрэй Вараб'ёў, паведамляе «Настоящее Время».

Паводле ягоных слоў, за ноч сістэмы СПА збілі ў Падмаскоўі дзевяць дронаў – у Зарайску, Адзінцове, Дамадзедаве, Істры і Сонечнагорску.

«Большая частка дронаў была знішчаная яшчэ на падлёце. На жаль, не абышлося без пацярпелых. У Істры, у СНТ «Юбілейны», аскепкамі былі параненыя двое жыхароў – мужчына і жанчына», – напісаў Вараб'ёў.

Ён дадаў, што праз налёт дронаў пашкоджанні атрымаў прыватны дом — пашкоджаны дах, сцяна, гаспадарчыя пабудовы і аўтамабіль.

Мэр Масквы Сяргей Сабянін днём 6 чэрвеня і ўночы 7 чэрвеня напісаў пра 10 збітых БПЛА , якія ляцелі на расейскую сталіцу.

Мінабароны Расеі сцвярджае, што ўночы 7 чэрвеня сілы СПА збілі 36 дронаў над Курскай, Бранскай, Калужскай, Смаленскай і Маскоўскай абласцямі.

Да гэтага ведамства паведаміла, што з 14:30 па Маскве 6 чэрвеня да паўночы 7 чэрвеня расейскія вайскоўцы перахапілі або знішчылі яшчэ 82 украінскія дроны ў Бранскай, Белгародскай, Курскай, Арлоўскай, Тульскай, Разанскай і Калужскай абласцях, а таксама ў Маскоўскім рэгіёне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com