У Ніжагародскай вобласці РФ гарыць нафтаперапрацоўчы завод

Яго атакавалі дроны.

У суботу, 7 чэрвеня, у горадзе Кстове Ніжагародскай вобласці Расеі ўспыхнуў маштабны пажар. Там размешчаны адзін з нафтаперапрацоўчых заводаў, піша New Voice.

Відэа ўзгарання з'явіліся ў расейскіх пабліках. На кадрах відаць шчыльны слуп агню і дыму, які ўзнімаецца ў неба і ахоплівае частку аб'екта.

Відавочцы паведамляюць аб нападзе БПЛА на нафтаперапрацоўчы завод Лукойл. У той жа час МНС Расеі сцвярджае, што загарэлася ўстаноўка па вытворчасці бітуму аб'ёмам 200 кубаметраў.

«Сёння ў дзённы час на тэрыторыі прамысловага прадпрыемства па вытворчасці бітуму ў Кстоўскім раёне адбылося ўзгаранне», – гаворыцца ў паведамленні рэгіянальнай пракуратуры.

Са звестак ведамства, на месца здарэння выехаў гарадскі пракурор Алег Купцоў.

Нафтаперапрацоўчы завод у Кстове належыць кампаніі «Лукойл» і перапрацоўвае нафту з Заходняй Сібіры і Татарстана.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com