«Я шакаваная коштамі»
24- 8.06.2025, 19:03
- 13,086
Беларуска паказала на відэа, што набыла на 50 рублёў у краме.
Беларуска апублікавала ў TikTok відэа з прадуктамі, якія набыла на 50 рублёў у «Еўраопце». Там 10 пазіцыяў. У каментарах некаторыя раскрытыкавалі яе, што купіла персікі і вінаград, таму што яны несезонныя, можна было зэканоміць. А іншыя здзівіліся, што яна патраціла на прадукты ўсяго 50 рублёў, піша bgmedia.
Што купіла на 50 рублёў беларуска
«Я шакаваная коштамі ў краме. Давайце я вам пакажу, як выглядаюць 50 рублёў у «Еўраопце»», - кажа ў пачатку відэа дзяўчына.
У якім горадзе яна набывала прадукты, невядома. Мяркуючы з ролікаў у TikTok, яна жыве ў Менску.
Вось што купіла на 50 рублёў беларуска:
літар малака «Брэст-Літоўск»;
маленькі слоік смятаны «Брэст-Літоўск» (180 грамаў);
упакаванне грыбоў;
упакаванне зярністага тварагу «Хатні»;
варэнікі з тварагом «Бабушка Аня» (430 грамаў);
мясныя падушачкі ад «Брэсцкага мясакамбіната» (430 грамаў);
адзін яблык;
чатыры персікі;
упакаванне вінаграду;
цукеркі на вагу.
«Магчыма, гэта адэкватныя кошты, проста, калі ты глядзіш на гэты кошык, на яго аб'ём, табе здаецца, божа мой, адкуль яны [кошты] бяруцца? З галавы, напэўна», - каментуе сваё распакаванне дзяўчына.
Як беларусы каментуюць гэтае відэа
Амаль за суткі відэа дзяўчыны набрала 73 тысячы праглядаў і 600 каментароў. Меркаванні беларусаў у каментарах падзяліліся. Адны адзначаюць, што дзяўчына яшчэ ўдала закупілася на 50 рублёў, іншыя ўпэўненыя, што кошты адэкватныя. А трэція крытыкавалі яе за тое, што купіла персікі і вінаград, таму што гэта несезонная садавіна, яна дорага каштуе. Вось некаторыя каментары (арфаграфія і пунктуацыя выпраўленыя):
«Вінаград і персікі прыбяры, вазьмі мяса, кошт будзе меншы, яшчэ і на крупы хопіць».
«Вінаград і персікі, мусіць, нятанныя, таму такая сума».
«Улічваючы кошты на вінаград… Не здзівілася. Навошта браць яго зараз, калі ў сезон ён і смачны, і танны. Ну і персікі зараз так сабе, дорага і нясмачна, смачныя яны будуць у ліпені, жніўні».
«50 рублёў - у вас 10 пазіцый. Гэта атрымліваецца ў сярэднім адна пазіцыя 5 рублёў, норма».
«А можна ўзяць рыс, грэчку, макароны, фарш, яблыкі, можна і тры. І малако, і масла, і хлеб (батон)… Можа і яшчэ на нешта хопіць».
«Тут самае дарагое якраз цукеркі) Гэта не жыццёва важная пазіцыя, як па мне, а калі раней кошты ніжэйшыя былі, можна было больш сабе дазволіць».
«І тут нават няма ніякага мяса ці каўбасы. Ну вось што зараз можна купіць на 50 рублёў… У мяне шок».
«Ды вы шмат купілі на 50 рублёў».
«Матывацыя ўсё большая з'ехаць у іншую краіну».
«100 рублёў у «Дзіцячым свеце» выглядаюць так: слоік сумесі + пачак памперсаў. Усё».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
