Украінскі F-16 збіў расейскі Су-35 дзякуючы дапамозе швэдскага самалёта
22- 9.06.2025, 16:29
- 33,454
Упершыню ў гісторыі.
Украіна атрымала гістарычную перамогу ў паветры: упершыню ў гісторыі заходні F-16 збіў расейскі знішчальнік Су-35С.
Бой адбыўся над паўночным усходам Украіны: у рамках абароны Сумскай вобласці ўкраінскія ВПС выкарыстоўвалі баявыя самалёты для бамбанняў расейскіх пазіцый унутры краіны і ў суседняй Курскай вобласці.
У адказ расейскія ВКС накіравалі ў бой свой высокатэхналагічны знішчальнік Су-35, каб збіць украінскія самалёты.
Аднак пілот не ведаў, што трапляе ў засаду: разам з амерыканскім F-16 у паветра падняўся швэдскі самалёт Saab 340 AEW&C, які знайшоў Су-35 яшчэ за 200-300 км да мяжы і перадаў каардынаты F-16, піша інфармаванае нямецкае выданне Bild.
Амерыканскі знішчальнік запусціў ракету AIM-120, і Су-35 быў збіты за 16 км ад мяжы на тэрыторыі Расеі — недалёка ад горада Каранёва ў Курскай вобласці. Пілот катапультаваўся. Украінскія знішчальнікі вярнуліся на базу без страт.
На платформе x канадскі пілот і авіяэкспэрт Марк Брукс пахваліў каардынацыю заходніх сістэм узбраення:
"Рэч не толькі ў F-16-сапраўдным геймчэйнжэрам стала швэдская сістэма AWACS, якая распазнае расейскія самалёты за сотні кіламетраў і накіроўвае ракеты F-16 у рэальным часе. Су-35 нават не ведаў, што яго атакуюць".
Авіяцыйны канал Air Power таксама адзначыў на X гістарычнае значэнне гэтага сутыкнення заходняй і расейскай тэхнікі:
"Калі інфармацыя пацвердзіцца, гэта будзе першы паветраны бой з удзелам Украінскага “Вайпера” (F-16). Што яшчэ больш важна: расейскі "Фланкер” быў збіты галандскай мадыфікацыяй F-16AM — мадэллю, якую многія ўжо лічылі састарэлай". Зараз на ўзбраенні асноўных краін NАТО стаяць ужо самалёты наступнага пакалення, F-35.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
