У беларускіх дзіцячых садках падаражэла харчаванне

З 1 чэрвеня.

У Беларусі харчаванне ў дзіцячых садках падаражэла. Гэта рэгламентуюць змены ў адпаведную пастанову Саўміна, інфармуе Марг.

Так, з 1 чэрвеня да 31 жніўня 2025 года ў Беларусі павялічаны грашовыя нормы выдаткаў на харчаванне навучэнцаў у дашкольных установах адукацыі. Таму з 1 чэрвеня плаціць за харчаванне дзіцяці ў дзіцячым садзе бацькі будуць больш.

Кошт разлічваецца, зыходзячы з часу знаходжання дзіцяці ў дашкольнай установе: 10,5 або 12 гадзін.

У дзіцячых садках з працягласцю знаходжання 10 з паловай гадзін кошт харчавання за адзін дзень будзе складаць: 3,94 беларускага рубля для малых ад 1 года да 3 гадоў і 5,18 белрубля для дзяцей ад 3 да 7 гадоў.

У дзіцячых садках, дзе дзеці знаходзяцца 12 гадзін, кошт харчавання вышэйшы: 5,08 рубля для дзяцей ад 1 года да 3 гадоў і 6,28 белрубля для старэйшай групы - 3-7 гадоў.

Таксама падвысіўся кошт харчавання ў санаторных дзіцячых садках, санаторных групах, санаторных спецгрупах, санаторных групах інтэграванага навучання і выхавання з працягласцю знаходжання 12-24 гадзіны. За адзін дзень за харчаванне бацькам трэба будзе плаціць 6,56 рубля для дзяцей ва ўзросце 1-3 гады 8,10 рубля для выхаванцаў ва ўзросце ад 3 да 7 гадоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com