Генеральны сакратар NATO заклікаў да «квантавага скачка» ў абаронных інвестыцыях

Праз расейскую пагрозу.

Чальцам NATO неабходна здзейсніць «квантавы скачок» у калектыўнай абароне на фоне пагрозы з боку Расеі. Супрацьпаветраную і супрацьракетную абарону неабходна павялічыць на 400%.

Пра гэта заявіў генеральны сакратар NATO Марк Рутэ, паведамляе РБК-Украіна са спасылкай на Bloomberg.

«Небяспека не знікне, нават калі скончыцца вайна ва Украіне. У нас павінна быць больш сіл і магчымасцяў, каб цалкам рэалізаваць нашы абаронныя планы», - гаворыцца ў ягонай прамове і ў Chatham House.

Былы прэм'ер-міністар Нідэрландаў заявіў, што сябрам NАТО неабходна павялічыць супрацьпаветраную і супрацьракетную абарону на 400%.

«Мы бачым ва Украіне, як Расея ажыццяўляе тэрор зверху, таму мы ўмацуем шчыт, які абараняе наша неба», - гаворыцца ў падрыхтаванай прамове Рутэ.

Выдаткі NАТО

Рутэ хоча, каб краіны NАТО падтрымалі новую мэту вайсковых выдаткаў сумай 3,5% ад нацыянальнага прадукту да 2032 года на сустрэчы ў канцы гэтага месяца, а таксама 1,5% ад валавога ўнутранага прадукту, якія будуць выдаткаваныя на праекты, звязаныя з бяспекай, такія як кібер- і памежны кантроль.

Гэты заклік рушыў за патрабаваннем прэзідэнта ЗША Дональда Трампа аб тым, каб чальцы NATO выдалі 5% ВУП на абарону.

Раней генеральны сакратар NATO Марк Рутэ заявіў, што Расея, маючы значна больш слабую эканоміку, чым у NATO, вырабляе за тры месяцы такую колькасць боепрыпасаў, якую Альянс вырабляе за год.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com