Тунберг пакажуць кадры з нападам ХАМАС на Ізраіль

Актывістку праінфармуюць, якую тэрарыстычную арганізацыю яна падтрымлівае.

Міністр абароны Ізраіля Ісраэль Кац абавязаў швэдскую экаактывістку Грэту Тунбэрг і яе паплечнікаў паглядзець кадры нападу ХАМАС на краіну 7 кастрычніка 2023 года, паведамляе Reuters.

Паводле ягоных слоў, актывісты павінны ўбачыць, «якую менавіта тэрарыстычную арганізацыю яны прыбылі падтрымаць».

«Я даручыў войску Ізраіля паказаць пасажырам флатыліі кадры зверстваў 7 кастрычніка, калі яны прыбудуць у порт Ашдода. Антысемітка Грэта і яе сябры з ліку тых, хто падтрымлівае ХАМАС, павінны ўбачыць, якую менавіта тэрарыстычную арганізацыю яны прыбылі падтрымаць і на каго яны працуюць», — сказаў Кац.

Раней стала вядома, што ізраільскія вайскоўцы перахапілі судна «Мадлін», якое накіроўвалася да ўзбярэжжа сэктара Газа з прапалесцінскімі актывістамі на борце.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com