Wildberries выходзіць на рынак таксі ў Беларусі

Сэрвіс пачне працаваць у найбліжэйшыя месяцы.

Аб хуткім старце новага сэрвісу таксі, якім будзе кіраваць маркетплейс Wildberries, Office Life паведамілі крыніцы на рынку перавозак. Чакаецца, што сэрвіс пачне працаваць у найбліжэйшыя месяцы.

Займацца праектам будзе ТАА «Аператар СБ таксі», гэтая кампанія 16 траўня была зарэгістраваная ў рэестры перавозчыкаў пасажыраў у якасці дыспетчара. Яе асноўны від дзейнасці значыцца як дзейнасць у галіне кампутарнага праграмавання.

Кампанія «Аператар СБ таксі» зарэгістраваная ў Менску ў сакавіку 2025 года. 80% у ёй належыць расейскаму ТАА «Вайлдберриз», 20% — беларускай кампаніі «ГД квадрат», якая займаецца здачай ў наём ўласнай нерухомай маёмасці. Юрыдычны адрас «ГД квадрат» і «Аператар СБ таксі» супадаюць.

У траўні ў беларускай сталіцы стартаваў сэрвіс таксі ад тэлекамунікацыйнай кампаніі А1. Цяпер дамінантная роля на гэтым рынку належыць расейскаму «Яндэкс Таксі».

Нагадаем, упершыню аб магчымых планах запуску Wildberries пілотнага праекта ў сферы таксі стала вядома ў лютым гэтага года.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com