У Латвіі разгараецца скандал праз дэпутата, які выступаў у Сэйме на расейскай мове

Палітыкам заняліся спецслужбы.

Латвійская Служба Дзяржаўнай Бяспекі (СДБ) у панядзелак адкрыла крымінальную вытворчасць супраць дэпутата Сэйма Аляксея Рослікава, які на мінулым тыдні аскандаліўся праз выступ у Сэйме на расейскай мове, паведамляе Delfi.

Як адзначылі ў спецслужбе, вытворчасць у дачыненні да дэпутата адкрылі паводле падазрэння ў наданні дапамогі дзяржаве-агрэсарцы Расеі ў яе дзеяннях супраць Латвіі і распальванні нацыянальнай варожасці і нянавісці.

Крымінальны працэс быў распачаты пасля таго, як служба ацаніла выказванні Рослікава на пасяджэнні Сэйма 5 чэрвеня і іншыя ягоныя дзеянні апошнім часам.

У СДБ нагадалі, што ўжо неаднаразова праводзілі з Рослікавым прафілактычныя гутаркі, папярэджваючы аб крымінальнай адказнасці ў выпадку ўчынення крымінальных злачынстваў.

У пачатку лютага гэтага года СДБ правяла гутарку з Рослікавым у сувязі з яго публічнымі выказваннямі супраць латышоў.

Нагадаем, 5 чэрвеня Рослікава адхілілі ад удзелу ў парламенцкім пасяджэнні праз тое, што ён выступаў з трыбуны на расейскай мове.

У канцы сваёй прамовы Рослікаў выгукнуў на рускай мове: «Нас больш! Руская мова-наша мова!». Таксама дэпутат паказаў грубы жэст.

У сувязі з гэтым была прынятая пастанова адхіліць яго ад пасяджэння Сэйма і выправадзіць з залы.

Пасля стала вядома, што цэнтр дзяржаўнай мовы (VVC) Латвіі пачне адміністрацыйную працэдуру ў дачыненні да Рослікава.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com