Financial Times: Чаму Маску варта павучыцца ў Ма і Хадаркоўскага

У супрацьстаянні капіталу і палітычнай уладзе верх атрымлівае апошняя.

Аддаленне мільярдэра Ілана Маска ад прэзідэнта ЗША Дональда Трампа наглядна пацвярджае старую праўду: у супрацьстаянні капіталу і палітычнай улады верх атрымлівае апошняя, піша Financial Times (пераклад — сайт Charter97.org).

У розных краінах свету — ад Расеі і Кітая да Савудаўскай Арабіі і ЗША — мільярдэры, якія спрабавалі выйсці за межы адведзенай ім ролі, жорстка сутыкаліся з дзяржаўным апаратам. Палітыкі, якія валодаюць кантролем над войскам, судамі і падатковымі органамі, зноў і зноў даказваюць, што могуць падпарадкаваць сабе нават самых уплывовых прадпрымальнікаў.

Так было з расейскім алігархам Міхаілам Хадаркоўскім, арыштаваным пасля таго, як пачаў праяўляць палітычную актыўнасць. Джэк Ма, самы вядомы бізнэсовец Кітая, знік з публічнага поля пасля крытыкі фінансавых органаў. У Савудаўскай Арабіі дзясяткі найбагацейшых людзей былі зняволеныя ў раскошным "Рыц-Карлтан" у рамках антыкарупцыйнай чысткі.

Цяпер Ілан Маск сутыкнуўся з аналагічнай сітуацыяй у ЗША. Пасля астуджэння стасункаў з Трампам ён апынуўся пад ціскам: разглядаецца магчымасць пазбаўлення яго кампаній федэральных кантрактаў, а некаторыя прыхільнікі Трампа заклікаюць да нацыяналізацыі SpaceX і праверкі іміграцыйнага статусу Маска.

У краінах з больш сталымі інстытутамі, як ЗША ці Італія, мільярдэры часам самі ідуць у палітыку — як гэта зрабілі адзін з самых багатых людзей Італіі Сільвіё Бэрлусконіабо Дональд Трамп. Але большасць бізнэсоўцаў аддаюць перавагу трымацца бліжэй да ўлады, не кідаючы ёй выклік, як гэта робяць сям'і Амбані ў Індыі ці Слім у Мексіцы.

Гісторыя паказвае: каб захаваць уплыў і свабоду, мільярдэр павінен ведаць межы дазволенага.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com