29 жнiўня 2025, Пятніца, 8:18
Падтрымайце
сайт
Сім сім,
Хартыя 97!
Рубрыкі

Трамп скасаваў амерыканскія санкцыі супраць Сірыі

2
Трамп скасаваў амерыканскія санкцыі супраць Сірыі
Дональд Трамп
Фота: Getty Images

Абмежавальныя захады былі ўведзены яшчэ ў 2004 годзе.

Амерыканскі прэзідэнт Дональд Трамп скасаваў санкцыі, уведзеныя супраць Сірыі яшчэ ў 2004 годзе.

Пра гэта гаворыцца ў прэс-рэлізе, апублікаваным на сайце Белага дома.

У панядзелак, 30 чэрвеня, Трамп падпісаў указ, якім скасаваў амерыканскія санкцыі, уведзеныя супраць Сірыі яшчэ ў 2004 годзе.

Дзеянне гэтых абмежаванняў спыніцца ўжо ў аўторак, 1 ліпеня, з мэтай падтрымання шляху краіны да "стабільнасці і міру".

Ва ўказе пазначана, што Трамп скасоўвае санкцыі супраць Сірыі, пры гэтым захоўваючы абмежаванні супраць зрынутага экс-дыктатара краіны Башара Асада і ягоных паплечнікаў.

Таксама абмежаванні будуць дзейнічаць у дачыненні да "парушальнікаў правоў чалавека, наркагандляроў і асоб, звязаных з хімічнай зброяй, ІДІЛ або яе афіляваных асоб, а таксама іх іранскіх пасярэднікаў".

Гэты дакумент таксама дазваляе паслабленне экспартнага кантролю на пэўныя тавары і скасоўвае абмежаванні на замежную дапамогу Сірыі, а таксама перагляд статусу часовага кіраўніка краіны Ахмеда аль-Шараа як "тэрарыста".

Потым Трамп даручыў дзяржаўнаму сакратару Марка Рубіё перагледзець пытанне аб прызнанні Сірыі дзяржавай-спонсарам тэрарызму, а таксама: вывучыць магчымасці паслаблення санкцый у ААН для падтрымкі стабільнасці ў Сірыі.

Напісаць каментар 2

Таксама сачыце за акаўнтамі Charter97.org у сацыяльных сетках