У Беларусі выявілі тры 100-даляравыя «суперпадробкі»

Яны імітуюць сапраўдную купюру настолькі добра, што яе складана адрозніць ад арыгінала.

У студзені — сакавіку 2025 года ў Беларусі выявілі 184 фальшывыя грашовыя знакі: 183 банкноты і 1 манету, паведамілі ў Нацбанку.

З агульнай колькасці падробак часцей за ўсё выяўляліся фальшывыя даляры (92,4%), следам ідуць расейскія рублі (5,4%) і еўра (2,2%). Падробак беларускіх рублёў за першы квартал года не выяўлена.

Колькасць падробленых купюр наміналам 100 даляраў ЗША адносна першага квартала 2024 года скарацілася на 10%, а банкнот наміналам 50 даляраў ЗША павялічылася ў два з паловай разы.

«З ліку выяўленых падробленых даляраў ЗША пяць банкнот належала да катэгорыі частковых падробак — чатыры наміналам 50 даляраў і адна наміналам 20 даляраў. Гэтыя падробкі выраблены з сапраўдных банкнот даляраў ЗША, на якіх зроблены змяненні асноўных літарна-лічбавых малюнкаў на больш высокі намінал. Да катэгорыі суперпадробак належалі тры банкноты наміналам 100 даляраў ЗША. Выяўленыя падробленыя даляры ЗША былі раней вядомымі тыпамі падробак», - адзначылі ў Нацбанку.

Колькасць фальшывых банкнот наміналам 5000 расейскіх рублёў знізілася ўдвая, аднак яны ўсё роўна складаюць 80 працэнтаў ад усіх выяўленых падробак у расейскай валюце.

«У справаздачным перыядзе выяўлены адзінкавыя падробкі банкнот еўраў наміналамі 100 і 50 еўраў - 2 і 1 штука адпаведна. У параўнанні з аналагічным перыядам 2024 года не выяўляліся банкноты наміналамі 500 еўраў і 20 еўраў. Усю колькасць падробленых манет склала адна манета наміналам 2 еўраў», - распавялі ў Нацбанку.

Суперпадробка - гэта высакаякасная падробленая банкнота, якая імітуе сапраўдную купюру настолькі добра, што яе складана адрозніць ад арыгінала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com