Экс-намеснік кіраўніка Мінабароны РФ Іваноў асуджаны да 13 гадоў

Былы намеснік Шайгу прызнаны вінаватым у крадзяжы сродкаў і легалізацыі злачынных прыбыткаў.

Былы намеснік міністра абароны Расеі Цімур Іваноў асуджаны да 13 гадоў пазбаўлення волі ў калоніі агульнага рэжыму, а таксама штрафу ў памеры 100 млн. расейскіх рублёў. Такі прысуд аб'явіў у аўторак, 1 ліпеня, Маскоўскі гарадскі суд ў справе аб крадзяжах і легалізацыі злачынных даходаў.

Акрамя таго, Іваноў пазбаўлены дзяржаўных узнагарод, ордэна "За заслугі перад айчынай" II ступені і звання ганаровага будаўніка Расеі, перадае "Інтэрфакс".

Канфіскавана таксама маёмасць Іванова на суму 2,5 млрд. рублёў: участкі на Рублёўскай шашы, аўтапарк і грошы на банкаўскіх рахунках. Абарона Цімура Іванова заявіла, што абскарджвае рашэнне Масгарсуда.

Іншы фігурант гэтай жа справы – былы кіраўнік кампаніі “Абароналагістыка” Антон Філатаў – асуджаны да 12 гадоў і 6 месяцаў калоніі агульнага рэжыму і грашовага штрафу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com