BBC: Ці можа ШІ адрадзіць мову, якая памірае?

Даследнікі выкарыстоўваюць тэхналогіі для апрацоўкі старых аўдыязапісаў на мове айну.

Мова айну, некалі распаўсюджаная сярод карэннага народа на поўначы Японіі, знаходзіцца на мяжы знікнення. Сёння яе актыўна спрабуюць выратаваць – у тым ліку з дапамогай штучнага інтэлекту, піша BBC (пераклад – сайт Charter97.org).

Пасля ўключэння вострава Хакайда ў склад Японіі ў 1870 годзе ўлады праводзілі палітыку асіміляцыі, забараняючы мову айну ў школах. Да 1917 года колькасць носьбітаў скарацілася з 15000 да 350 чалавек. Цяпер, паводле ацэнак ЮНЕСКА, айну – мова, якая знікае.

Нягледзячы на гэта, мова перажывае адраджэнне. У 2019 годзе Японія афіцыйна прызнала айну карэнным народам, а даследнікі пачалі выкарыстоўваць ШІ для апрацоўкі старых аўдыязапісаў паданняў і аповедаў на айну.

Каманда прафесара інфарматыкі Татсуі Кавахары з Універсітэта Кіёта навучае нейрасеці распазнаваць і сінтэзаваць маўленне на мове айну, выкарыстоўваючы сотні гадзінаў запісаў, зробленых з 1970-х гадоў. Ужо створаная сістэма, здольная агучваць тэксты ў стылі рэальных апавядальнікаў – напрыклад, «Гісторыю пра мядзведзя» і «Сястру Райдзіна».

Даследнікі спадзяюцца, што ШІ дапаможа навучаць новых носьбітаў, але падкрэсліваюць: тэхналогія не заменіць жывой мовы – яна можа толькі яе падтрымаць.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com