Украіна далучылася да патрабавання ЕЗ вызваліць беларускіх палітвязняў

Агулам заяву падтрымалі ўжо 12 краін Еўропы.

Да «неадкладнага і безумоўнага» вызвалення ў Беларусі палітычных зняволеных, іх рэабілітацыі і спынення рэпрэсій заклікала дэлегацыя Еўразвяза ў Радзе Еўропы (РЕ) 9 ліпеня на 1534-м пасяджэнні камітэта міністраў РЕ ў Страсбургу (Францыя).

Да заявы, распаўсюджанай ад імя ўсіх дзяржаў ЕЗ, далучыліся 12 краін: Албанія, Андора, Вялікая Брытанія, Ісландыя, Ліхтэнштэйн, Малдова, Манака, Нарвегія, Сан-Марына, Паўночная Македонія, Украіна і Чарнагорыя, паведамляе “Позірк”.

У заяве вітаецца вызваленне Сяргея Ціханоўскага і яшчэ 13 палітвязняў дзякуючы ўдзелу ЗША.

«Тым не менш маштабныя палітычна матываваныя пераследы ў Беларусі працягваюцца. Згодна са звесткамі, сабранымі незалежнымі праваабаронцамі, у краіне па-ранейшаму несправядліва ўтрымліваюцца пад вартай амаль 1 200 палітвязняў. Трывогу выклікаюць паведамленні аб жахлівых умовах утрымання, ізаляцыі ад сем'яў і адвакатаў, жорсткім абыходжанні і катаваннях, адсутнасці доступу да асноўных медыцынскіх паслуг», - адзначаецца ў заяве.

Падкрэсліваецца, што ЕЗ «па-ранейшаму глыбока занепакоены сітуацыяй з правамі чалавека ў Беларусі і рашуча асуджае працяглыя кампаніі пераследу і запалохвання ўсіх слаёў беларускага грамадства, уключаючы праваабаронцаў, журналістаў, незалежных прафсаюзных актывістаў, прадстаўнікоў грамадзянскай супольнасці і асоб, якія належаць да нацыянальных меншасцяў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com