Прэм'ер-міністра і спікера Сейма Літвы адвезлі ва ўкрыцце праз «дрон» з Беларусі

У паветра былі гатовыя падняцца знішчальнікі NATO.

У чацвер, 10 ліпеня, кіраўніцтва Літвы экстрана эвакуявалася ва ўкрыцце праз “дрон”, які прыляцеў з Беларусі. Прэм'ер-міністра Гінтаўтаса Палуцкаса і спікера Сейма Саўлюса Сквярняліса павялі ва ўкрыцце, а ў паветра былі гатовыя падняцца знішчальнікі NATO .

Пра гэта паведамляе інфармацыйнае агенцтва краін Балтыі BNS і ўзброеныя сілы Літвы.

Першапачаткова літоўскія СМІ паведамлялі аб прылёце нейкага аналага дрона “Шахед", што, паводле іх звестак, і выклікала такую рэакцыю службаў бяспекі. Спікер Сейма пазней пацвердзіўжурналістам: “Служба аховы кіраўніцтва ўказала, што трэба ісці ва ўкрыцце, мы і пайшлі… Важна, што зараз ён больш не лятае”.

Аднак неўзабаве літоўскія ўлады абверглі свае меркаванні і ўдакладнілі інфармацыю. Па іх афіцыйнай версіі, днём у Віленскім раёне ўпала “падобная на самаробны самалёт лятальная канструкцыя”, зробленая “з фанеры і пенапласту”.

Як заявілі ў Службе аховы дзяржмяжы (VSAT), аб'ект не ўяўляў небяспекі, а груза на борце, паводле папярэдніх звестак, не было. Літоўскія памежнікі выказалі здагадку, што гэта магла быць спроба кантрабанды цыгарэт.

У Міністэрстве абароны Літвы дадалі, што знішчальнікам NATO , якія трэніраваліся ў паветры , абвесцілі баявую гатоўнасць, але пасля падзення аб'екта загад адмянілі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com