Delfi: Беспілотнік, які прыляцеў з Беларусі ў Літву, — гэта расейская «Гербера»

Яна імітуе ўдарны дрон.

Дрон, які ўпаў у Літве раніцай 10 ліпеня, з'яўляецца расейскай несапраўднай цэллю, якая імітуе ўдарны беспілотнік "Герань-2" — аналаг іранскага дрона-камікадзэ Shahed-136, піша Delfi.

Паводле звестак Delfi, дрон, які ўпаў, уяўляе расейскі беспілотны лятальны апарат «Гербера», які ўжо год выкарыстоўваюць ў ваенных дзеяннях Расеі супраць Украіны.

Гэты дрон - спрошчаная і больш танная версія іранскага дрона-камікадзэ Shahed-136, вядомага ў Расеі пад назвай “Герань-2”.

"Гербера" можа выконваць розныя задачы: выведку, назіранне, нанясенне ўдараў і адцягненне сродкаў супрацьпаветранай абароны.Праз нізкі кошт, робат можа быць выкарыстаны як несапраўдная цэль, што ўскладняе працу СПА суперніка, адзначае выданне.

Корпус “Герберы” вырабляюць з пенапласту, пра што якраз і паведамілі, калі выявілі дрон.

Нагадаем, 10 ліпеня стала вядома, што блізу 11.30 літоўскія Вайскова-паветраныя сілы Літвы зафіксавалі аб'ект, які набліжаецца да літоўскай мяжы з боку Беларусі. Была абвешчаная павышаная боегатоўнасць знішчальнікаў, якія знаходзіліся ў паветры.

Пазней аб'ект упаў. Папярэдне паведамлялася, што гэта беспілотнік самалётнага тыпу, выраблены з фанеры і пенапласту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com