Зяленскі сустрэўся з амерыканскім спецпрадстаўніком у кулуарах саміту ў Рыме

Упершыню канферэнцыя засяроджаная на канкрэтных сектарах.

Прэзідэнт Украіны Уладзімір Зяленскі ў чацвер правёў сустрэчу з амерыканскім спецпрадстаўніком генералам у адстаўцы Кітам Келагам на чацвёртым штогадовым саміце ў пытаннях аднаўлення Украіны ў Рыме, піша France24 (пераклад - сайт Charter97.org).

Ва ўмовах усё большай расейскай агрэсіі і нявызначанасці падтрымкі з боку ЗША, форум у сталіцы Італіі стаў важнай пляцоўкай для абмеркавання інвестыцый у будучыню Украіны.

Саміт сабраў 100 афіцыйных дэлегацый, 40 міжнародных арганізацый і банкаў развіцця, а таксама больш за 2000 прадстаўнікоў бізнесу, грамадзянскай супольнасці і мясцовых украінскіх улад. Мерапрыемства накіраванае на развіццё партнёрстваў у сферах абароны, энэргетыкі, здабычы карысных рэсурсаў і інфраструктуры.

Арганізатары падкрэсліваюць, што мэта сустрэчы — не толькі аднаўленне краіны, але і яе мадэрнізацы, шлях уступлення ў ЕЗ. Напярэдадні саміту Італія аб'явіла пра некалькі ініцыятыў, дапамогу дзіцячай лякарні ў Адэсе і пагадненне аб пенітэнцыярным супрацоўніцтве з Украінай.

Упершыню канферэнцыя засяроджаная на канкрэтных сектарах - энэргетыка, здабыча карысных выкапняў, транспарт і металургія. Са словах украінска-брытанскага бізнэсоўца Аляксандра Цямёркі гэта адрознівае яе ад папярэдніх сустрэч у Лондане, Берліне і Лугана.

Нягледзячы на адсутнасць афіцыйнай вайсковай падтрымкі ЗША, генерал Келаг - прадстаўнік Трампа у пытаннях Украіны і Расеі - правёў перамовы з Зяленскім. Тым часам Трамп заявіў пра неабходнасць аднавіць пастаўкі ўзбраенняў Кіеву пасля часовага прыпынення з боку Пентагона.

Канферэнцыя таксама змяшчае абмеркаванне ўдзелу краін "кааліцыі жадаючых" у магчымай місіі кантролю за будучым мірным пагадненнем з Расеяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com