ЗША плануюць пераканаць хаўруснікаў у NATO перадаць Украіне сістэмы Patriot

Пра гэта заявіў Марка Рубіа.

ЗША хочуць абмеркаваць з хаўруснікамі ў NATO магчымасць перадачы Украіне сістэм супрацьпаветранай абароны Patriot. Пакуль што ніхто не жадае дзяліцца такім узбраеннем.

Як перадае РБК-Украіна, пра гэта на прэс-канферэнцыі заявіў дзяржсакратар ЗША Марка Рубіа.

Ён нагадаў, што зараз Украіна мае патрэбу ў дадатковых батарэях Patriot. Такія сістэмы ёсць у некалькіх краінаў Еўропы, але дзяліцца ніхто не хоча.

- Калі Украіна сапраўды з'яўляецца прыярытэтам, як заяўляюць многія краіны Еўропы, то яны павінны быць гатовыя падзяліцца батарэямі, якія цяпер ім не патрэбныя. Спадзяюся, што нам удасца пераканаць некаторых нашых партнёраў у NATO даць гэтыя батарэі Patriot Украіне, таму што ёсць шэраг краін, якія іх маюць, але ніхто не хоча з імі расставацца, - дадаў дзяржсакратар.

Рубіа звярнуў увагу, што перадача Украіне такіх сістэм з'яўляецца важнай.

Дзяржсакратар таксама ўдакладніў, што ў Еўропе батарэі Patriot ёсць прынамсі ў Гішпаніі і Нямеччыне.

Разам з гэтым ёсць краіны, якія замовілі такія сістэмы і вось-вось іх атрымаюць.

- Было б выдатна, калі б адна з іх добраахвотна адклала гэтую партыю і адравіла яе ва Украіну. Таму мы шукаем спосабы забяспечыць Украіну гэтай абарончай зброяй, якая ёй патрэбная, - дадаў Рубіа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com