Высветлілася нечаканая перавага кароткага дзённага сну

У экспэрыменце ўзялі ўдзел 90 чалавек.

Кароткі дзённы сон можа падвысіць здольнасць да нестандартнага мыслення і паскорыць развязанне складаных задач – да такой высновы прыйшлі навукоўцы з Нямеччыны. Вынікі даследавання апублікаваныя ў часопісе PLoS Biology.

У экспэрыменце ўзялі ўдзел 90 чалавек. Ім прапанавалі выканаць тэст на выяўленне схаваных заканамернасцяў – заданне, якое можна было спрасціць, калі заўважыць невідавочную структуру. Пасля некалькіх раўндаў удзельнікі адпраўляліся на 20-хвілінны адпачынак. Першая група спала, а другая засталася ў няспанні. За актыўнасцю мозгу назіралі з дапамогай электраэнцэфалаграмы (ЭЭГ).

Пасля перапынку 70% паддоследных удалося знайсці больш хуткае развязанне задачы. Аднак лепш за ўсіх далі рады тыя, хто дасягнуў фазы неглыбокага сну (стадыя N2): сярод іх «прарыў» адбыўся ў 85,7% выпадкаў. У групе, якая не спала падчас адпачынку, гэты паказчык склаў 55,5%.

Як мяркуюць даследчыкі, ключавую ролю адыграў спектральны ўхіл ЭЭГ-параметр, звязаны з глыбінёй сну і перабудовай нейронавых сувязяў. Ён можа спрыяць падвышэнню кагнітыўнай гнуткасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com