Чаму адбыўся тэхнічны збой з банкаўскімі картамі

Версія ад Нацбанка.

Чаму адбыўся тэхнічны збой з банкаўскімі картамі, расказаў намеснік старшыні ўправы Нацыянальнага банка Андрэй Картун, паведамляе БелТА.

"Сапраўды, учора раніцай у сістэме адбыўся тэхнічны збой. Ён быў звязаны з чарговым планавым абнаўленнем сістэмы і закрануў пэўныя банкі. Многія маглі ўбачыць адмоўны баланс або нейкае спісанне грашовых сродкаў”, - сказаў Андрэй Картун.

Паводле ягоных слоў, сёння Нацыянальны банк адзначае, што дзеянні працаздольнай сістэмы цалкам адноўленыя. І ў тым ліку самі банкі інфармуюць, што выправілі ўсе памылкі.

"Грошы нікуды не зніклі. Ніхто іх не спісваў. Гэта не была вірусная атака або ўзлом, а пэўны тэхнічны збой пры чарговым абнаўленні сістэмы. Маглі пацярпець усе, у тым ліку супрацоўнікі Нацыянальнага банка, Беларускага міжбанкаўскага разліковага цэнтра і звычайныя грамадзяне”, — дадаў Андрэй Картун.

Нагадаем, раніцай 9 ліпеня кліенты некалькіх банкаў заўважылі, што з іх банкаўскіх карт былі спісаныя грошы. Супрацоўнікі кол-цэнтра "Беларусбанка" пацвердзілі, што сапраўды ўзнікла праблема, і запэўнілі, што яна будзе развязаная цягам дня.

Аднак у гэты тэрмін укласціся не ўдалося, і дэдлайн некалькі разоў пераносілі. У выніку збой ліквідавалі ўночы 10 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com