Аляксандр Глеб прасіў Польшчу зняць з яго санкцыі

Беларускі футбаліст тлумачыў, што не падтрымлівае Лукашэнку і расейскую агрэсію.

Беларускі футбаліст Аляксандр Глеб стаў непажаданай асобай на тэрыторыі Польшчы. Прычым палякі тады абяцалі не толькі забараніць уезд на сваю тэрыторыю, але і ва ўсю Шэнгенскую зону. Таксама былі «замарожаныя» фінансавыя і эканамічныя рэсурсы на тэрыторыі Польшчы, піша «Трыбуна».

Праз два гады экс-футбаліст «Арсенала» і «Барсэлоны» надумаў падаць апеляцыю. Згодна з дакументам DPP-WTPZ.0272.74.2025.BS (6), апублікаванаму на сайце gov.pl, Глеб прасіў выключыць яго з санкцыйнага спісу, абапіраючыся на наступныя моманты:

«Дзейнасць заяўніка не мае палітычнага характару, ён спрабуе захоўваць палітычны нейтралітэт»;

«Заяўнік публічна не выказвае нязгоду з уладай Аляксандра Лукашэнкі, бо гэта можа паўплываць на ягонае жыццё і жыццё ягонай сям'і»;

«Заяўнік не падтрымлівае расейскую агрэсію супраць Украіны, уключаючы падтрымку, якую надае Беларусь Расеі».

На думку заяўніка, якім быў Глеб, у Польшчы не было падстаў прымаць санкцыйныя меры ў дачыненні да яго, бо ён «не мае фінансавых і эканамічных сродкаў у краіне, не падтрымлівае агрэсію РФ, парушэнне правоў чалавека або рэпрэсіі і не звязаны з суб'ектамі, якія ажыццяўляюць падобную дзейнасць».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com