«Новы закон выйшаў, у выніку ўсе прэміі зрэжуць»

У аўтапарку Гомеля кіроўцы абураныя заробкамі.

Аўтапарк № 6 прадпрыемства «Гомельаблаўтатранс» паведаміў аб правядзенні «важнай сустрэчы» кіраўніцтва з калектывам кіроўзцаў: «Абмеркавалі новую структуру налічэння заробку.

Кожны кіроўца атрымаў магчымасць задаць пытанні аб працы і побыце. Падрабязнасцяў прадпрыемства не раскрыла, а публікацыю закончыла бадзёрым лозунгам: «Разам мы зробім наш парк яшчэ лепшым!». Але напраўду падстаў для аптымізму ў кіроўцаў мала.

Наяўнасць праблем у аўтапарку «Флагштоку» пацвердзіла крыніца, звязаная з арганізацыяй:

«Калектыў папярэдзілі аб магчымым падзенні заробку. Новы закон выйшаў, у выніку ўсе прэміі зрэжуць. А тарыфную стаўку павысяць усяго на 1 рубель. І за перапрацоўкі больш не будуць даплачваць».

Са слоў крыніцы, заробак у кіроўцаў і так упаў. Калі раней стандартна выходзіла 1500-1600 рублёў «чыстымі» пры норме гадзін, то з восені мінулага года заробак упаў да 1300 рублёў. Новаўвядзенне матывуе работнікаў да пошукаў вакансій — іншую работу шукаюць не толькі моладзь, але і пенсіянеры, якія працуюць.

У верасні 2024 года ААТ «Гомельаблаўтатранс» было ўключана ў дзяржаўны рэестр натуральных манаполій. З 1 ліпеня 2025 года для такіх прадпрыемстваў была ўведзеная новая сістэма налічэння заробку. Гэтыя новаўвядзенні і паслужылі падставай для сустрэчы кіраўніцтва з працаўнікамі.

Аўтапарк № 6 выконвае пасажырскія перавозкі большай часткі гарадскіх маршрутаў, абслугоўвае некалькі прыгарадных маршрутаў, выконвае грузавыя і заказныя перавозкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com