Ан-124 «Руслан» упершыню з 2022 года праляцеў над Кіевам
- 12.07.2025, 8:21
- 8,356
Што вядома аб рэзанансным рэйсе.
Украінскі транспартны самалёт Ан-124 «Руслан» здзейсніў сімвалічны палёт: у суботу, 11 ліпеня, борт з рэгістрацыяй UR-82073, які належыць авіякампаніі «Авіялініі Антонава», быў заўважаны ў небе над Кіевам. Пазней ён паспяхова прызямліўся ў нямецкім аэрапорце Лейпцыг. Аб гэтым паведамляе выданне Aero Time.
Палёт выклікаў шырокі рэзананс, бо паветраная прастора Украіны застаецца закрытай для мірнай авіяцыі з пачатку поўнамаштабнага ўварвання Расеі ў лютым 2022 года.
Ва ўмовах ваеннага становішча дазволеныя толькі рэйсы вайсковага, урадавага і гуманітарнага характару. Падчас бітвы за Гастомель у 2022 годзе самалёт UR-82073 пазбег разбурэнняў, бо на той момант знаходзіўся ў іншым месцы на тэхнічным абслугоўванні.
Пасля ўварвання акупантаў у Гастомель авіякампанія перанесла сваю базу ў Лейпцыг, дзе цяпер размешчаныя пяць актыўных Ан-124.
Нягледзячы на адсутнасць афіцыйнай заявы ад «Авіялін Антонава», факт пасадкі самалёта ў Лейпцыгу паказвае на яго вяртанне ў актыўную эксплуатацыю.
У Лейпцыгу ўкраінскія транспартныя самалёты працягваюць выконваць як вайсковыя, так і камерцыйныя місіі, перавозячы цяжкія грузы па ўсім свеце.
Рэдактар нямецкай газеты BILD Юльян Ропке назваў гэты палёт магутным сігналам супраціву пуцінскім марам аб разбурэнні Украіны. Ён зазначыў, што гэта першы цывільны самалёт, заўважаны над Кіевам за апошнія 40 месяцаў.
Акрамя гэтага адрамантаванага самалёта, флот украінскай авіякампаніі ў будучыні можа папоўніцца яшчэ адным Ан-124, які раней належаў расейскай кампаніі «Волга-Дняпро».
Гэты самалёт быў затрыманы ў Таронта ў 2022 годзе і з таго часу знаходзіцца ў Канадзе. У траўні 2025 года віцэ-прэм'ер і міністр юстыцыі Украіны Вольга Стэфанішына паведаміла, што канадскія ўлады ініцыявалі працэдуру канфіскацыі гэтага паветранага судна для наступнай перадачы Кіеву.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
