У Нямеччыне паабяцалі трохзначную колькасць дальнабойных ракет для УСУ

Пастаўкі пачнуцца ўжо ў ліпені.

Ва Украіне падпісанае пагадненне аб вытворчасці дальнабойных ракет за кошт фінансавання Нямеччыны, першыя пастаўкі для УСУ чакаюцца ўжо ў канцы гэтага месяца. Пра гэта ў інтэрв'ю тэлеканалу ZDF паведаміў генерал-маёр бундэсвэра Крысціян Фройдынг.

З яго слоў, пагадненне паміж украінскай прамысловасцю і міністэрствам абароны Украіны было падпісанае нядаўна, а сама праграма была ініцыяваная ў канцы траўня.

Ён заявіў, што першыя дальнабойныя ракеты павінны паступіць на ўзбраенне УСУ ўжо ў канцы ліпеня, а пасля «размова будзе ісці аб вялікай трохзначнай колькасці».

Пры гэтым Фройдынг дадаў, што гэта значна ўмацуе супрацьпаветраную абарону Украіны і яе патэнцыял у найбліжэйшыя тыдні і месяцы.

«Нам патрэбныя сістэмы ўзбраення, здольныя пранікаць глыбока ўглыб расейскай тэрыторыі і атакаваць склады, камандныя пункты, аэрадромы і самалёты», - падкрэсліў ён.

Фройдынг дадаў, што Нямеччыны «цесна каардынуе дзеянні з партнёрамі» ў пытанні пастаўкі ва Украіну новых сістэм СПА сярэдняй і вялікай далёкасці. Яны таксама «цягам некалькіх тыдняў» вядуць перамовы на ўсіх узроўнях аб магчымай пастаўцы ва Украіну адной або дзвюх сістэм Patriot, якія Нямеччыне давядзецца закупіць у ЗША.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com