Лаўроў прыбыў у Паўночную Карэю

Падчас перамоў будуць абмяркоўваць поўнамаштабную вайну Расеі супраць Украіны.

Міністр замежных спраў Расеі Сяргей Лаўроў прыбыў з афіцыйным візітам у Паўночную Карэю.

Пра гэта паведамляюць Reuters са спасылкай на паўночнакарэйскае дзяржаўнае агенцтва KCNA і расейскае «ТАСС».

Падчас перамоў з міністрам замежных спраў КНДР Чхве Сон Хуэй бакі, прынамсі, будуць абмяркоўваць поўнамаштабную вайну Расеі супраць Украіны.

Адзначаецца, што перад перамовамі з кіраўніком МЗС КНДР Лаўрова прывітаў натоўп з кветкамі і ганаровая варта. Сустрэча праходзіць у карэйскім Вансане, дзе адкрылася турыстычная зона.

«Удзел вайскоўцаў КНДР у вызваленні Курскай вобласці – наўпроставае пацвярджэнне таго, што стасункі дзвюх краін характарызуюцца як непераможнае брацтва», – заявіў Лаўроў.

У сваю чаргу кіраўніца МЗС Паўночнай Карэі Чхве Сон Хуэй запэўніла, што КНДР «безумоўна будзе падтрымліваць палітыку РФ у абароне яе тэрытарыяльнай цэласнасці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com