«Расейскае войска будзе ўцякаць»

Палкоўнік УСУ назваў галоўную ўмову заканчэння вайны.

Ёсць дакладная паслядоўнасць падзей, якія павінны адбывацца, каб прывесці да заканчэння вайны. Вайна не зможа скончыцца, пакуль не распадзецца краіна-агрэсарка Расея.

Такое меркаванне выказаў ваенны эксперт, палкоўнік запасу УСУ, ваенны лётчык-інструктар Раман Світан падчас чата на «Главреде». Ён адзначыў, што Пуцін і яго рэжым дакладна будуць спрабаваць утрымаць Расею. І механізмы ў іх для гэтага ёсць.

«А пакуль Расея не распадзецца, вайна ва Украіне не скончыцца цалкам, з выхадам на дзяржаўныя межы. Ды і пакуль мы не выйдзем на дзяржаўныя межы, мы самі гэтую вайну не спынім. Таму паслядоўнасць такая. Спачатку - развал Расеі або, прынамсі, пачатак яе распаду, які можна запусціць, наносячы ўдары па нафтавай галіне. Затым - змена кіраўніцтва ў Расеі. Ці ж - развал Расеі са знікненнем яе кіраўніцтва, як знік Гарбачоў пасля развалу Савецкага Саюза. А толькі потым расейскае войска будзе ўцякаць», - адзначыў ён.

Таксама, са слоў Світана, ёсць яшчэ і іншая праблема на акупаваных тэрыторыях - акрамя прысутнасці там Расеі, у Крыме і на Данбасе вырасла цэлае пакаленне калабарантаў. Ён адзначыў, што калабарантам дзявацца няма куды, і яны будуць змагацца нават пасля развалу Расеі.

«Таму я і кажу пра неабходнасць спачатку адсекчы Данбас ад Расеі і яе рэшткаў па Доне, а толькі потым зачышчаць яго ад калабарантаў і расейскай вайсковай прысутнасці там. Таму магчымая толькі такая паслядоўнасць: развал Расеі, зрынанне Пуціна і толькі потым спыненне вайны і зачыстка вызваленых тэрыторый», - сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com