У Беларусі спыніліся ЦЭЦ і завод

У МНС агучылі наступствы шторму ў пяці раёнах.

Міністр у надзвычайных сітуацыях Вадзім Сіняўскі расказаў аб ходзе ліквідацыі наступстваў непагадзі, якая абрынулася на Беларусь 9-10 ліпеня. Паводле інфармацыі МНС, падчас праходжання навальнічнага фронту пацярпелі 27 населеных пунктаў у некалькіх абласцях краіны, піша «Телеграф».

Найбольш сур'ёзныя наступствы ратавальнікі зафіксавалі ў Магілёве.

Як паведаміў кіраўнік МНС, у горадзе было абясточана пяць ліній электраперадачы напружаннем 110 кВ. Гэта прывяло да спынення працы ЦЭЦ-2 і прадпрыемства «Магілёўхімвалакно».

Усяго за адну ноч на гарачую лінію ў Магілёве паступіла паўтары тысячы зваротаў ад беларусаў. Па ўсёй краіне зафіксавана 4,5 тысячы зваротаў.

Апроч Магілёўскай вобласці, стыхія закранула і іншыя рэгіёны. Сярод найбольш пацярпелых, паводле звестак МНС:

у Віцебскай вобласці - Гарадоцкі і Аршанскі раёны;

у Менскай вобласці - Смалявіцкі і Барысаўскі раёны.

У Менску, паводле звестак міністра, назіраліся «лакальныя падтапленні».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com