Іга Свёнтэк разграміла Анісімаву 6:0, 6:0 і стала пераможцай Уімблдона

Усяго на рахунку польскай тэнісісткі зараз 23 тытулы.

Польская тэнісістка і чацвёртая ракетка свету Іга Свёнтэк (WTA 4) здабыла трафей Уімблдонскага турніру 2025, паведамляе sport.ua.

У фінале полька ў двух сэтах знішчыла прадстаўніцу ЗША Аманду Анісімаву (WТА 12) за 59 хвілін.

Уімблдон-2025. Фінал

Аманда Анісімава (ЗША) [13] – Іга Свёнтэк (Польшча) [8] – 0:6, 0:6

Гэта была першая сустрэча спаборніц.

Іга, акрамя Аманды, на Уімблдоне-2025 таксама падолела Паліну Кудэрметаву, Кэці Макналі, Даніэль Колінз, Клару Таўсан, Людмілу Самсонаву і Белінду Бенчыч. За сем паядынкаў полька аддала ўсяго адзін сэт.

Свёнтэк упершыню ў кар'еры выйграла тытул Уімблдона. Усяго ж Іга правяла шэсць фіналаў Grand Slam і шосты раз стала чэмпіёнкай. Адзіны мэйджар, які пакуль не скарыўся Ізе - Australian Open.

Свёнтэк стала першай польскай тэнісісткай, якой удалося стаць чэмпіёнкай у адзіночным разрадзе Уімблдона.

Іга здабыла першы трафей з чэрвеня 2024 года, калі стала чэмпіёнкай Ралан Гарос. Усяго на рахунку польскай тэнісісткі зараз 23 тытулы.

З панядзелка Свёнтэк вернецца на трэці радок рэйтынгу WTA.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com