«Кітай ужо ўпэўнена бярэ пад кантроль расейскія тэрыторыі»
3- 12.07.2025, 20:40
- 17,864
РФ ужо істотна падарваная.
Абмежаванні супраць Расеі павінны стаць поўнай і татальнай забаронай яе прысутнасці на глабальных рынках. Акрамя таго, Крэмль не павінен мець магчымасці будаваць схемы абыходу санкцый.
Але нават цяперашнія абмежаванні наносяць агрэсару значную шкоду ў доўгатэрміновай перспектыве. Пра гэта заявіў дарадца кіраўніка Офіса прэзідэнта Украіны (ОПУ) Міхаіл Падаляк.
Ён зазначыў, што любыя санкцыі працуюць. Але ёсць нюансы ў залежнасці ад фармату вайны.
- У фазе халоднай вайны санкцыі маюць назапашвальны эфект, і краіна паступова адстае і становіцца неканкурэнтнай у тэхналагічным сэнсе - так было з Савецкім Саюзам. У перыяд халоднай войны запас часу значна большы. У фазе гарачай вайны (калі краіна ваюе) санкцыі павінны выглядаць інакш. Гэта павінна быць поўная татальная забарона на прысутнасць краіны-агрэсара на глабальных рынках. Гэта значыць, яна не павінна мець магчымасць прадаваць камусьці нешта і купляць нешта, яна не павінна мець магчымасць будаваць складаныя схемы абыходу санкцый і гэтак далей, — растлумачыў Падаляк.
Аднак усё гэта ў дачыненні да Расеі пакуль не працуе, краіна-агрэсар мае магчымасць абыходзіць санкцыі. Таму трэба пазбавіць яе гэтага.
- Але санкцыі важныя і санкцыйная канфігурацыя працуе. Санкцыяў супраць РФ ужо вельмі шмат, іх тысячы. Пад іх трапляюць розныя юрыдычныя і фізічныя асобы, маёмасныя комплексы і цэлыя галіны. Гэта ўсё ўплывае на магчымасць краіны, напрыклад, праводзіць тэхналагічныя абнаўленні сваіх вытворчасцей. І дзякуючы санкцыям канкурэнтнасць Расеі істотна падарваная. Гэта краіна ўжо адстала і будзе толькі ўсё больш адставаць ад перадавых краін. Гэта значыць яна будзе выглядаць як Паўночная Карэя, - упэўнены дарадца кіраўніка ОПУ.
Падаляк дадаў, што РФ будзе не толькі заставацца адсталай, але будзе ўзмацняцца яе залежнасць ад Кітая.
- А Кітай ужо ўпэўнена бярэ пад кантроль расейскія тэрыторыі, расейскае кіраванне, расейскую эканоміку, расейскія рынкі. Я думаю, што ў нейкім часе Кітай прапануе ўвесці сваю валюту, бо юань значна мацнейшая і ўстойлівая валюта, чым рубель, - сказаў ён.
Еўрапейскі Звяз падрыхтаваў ужо 18-ы пакет санкцый, але за яго пакуль не прагаласавалі праз пазіцыю Славакіі.
- Гэтыя санкцыі носяць назапашвальны антытэхналагічны характар. А для таго, каб Расея не мела магчымасці фінансаваць войны, ёй трэба абрэзаць усе доступы да фінансавай глабальнай сістэмы для продажу ўрану, нафты, газу і ўсяго астатняга, - адзначыў Падаляк.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
