У Нямеччыне анансавалі новае пасяджэнне ў фармаце «Рамштайн»

У ім возьмуць удзел 50 краін.

Кантактная група дапамогі абароне Украіны, больш вядомая як "фармат Рамштайн", збярэцца на наступнае пасяджэнне на працягу наступных 10 дзён. Сустрэча адбудзецца ў анлайн-фармаце.

Пра гэта заявіў галоўны каардынатар нямецкай вайсковай дапамогі Украіне, генерал Крысціян Фрэйдынг, якога цытуе "Укрінфарм".

Фрэйдынг, які з'яўляецца галоўным каардынатарам нямецкай вайсковай дапамогі Украіне, 12 ліпеня быў у Кіеве і сустрэўся там з журналістамі, дзе пацвердзіў правядзенне наступнага "Рамштайна".

"У Нямеччыне, так. Гэта будзе віртуальная сустрэча, як міністры наважылі на гэты момант. І яна будзе пад кіраўніцтвам Вялікай Брытаніі і Нямеччыны, як мы гэта рабілі на апошніх сустрэчах "Рамштэйна", - пацвердзіў генерал.

З ягонх слоў, сустрэча краін, якія падтрымліваюць абарону Украіны, ужо запланавана. Яна адбудзецца "цягам наступных 10 дзён".

Адзначым, што кантактная група дапамогі абароне Украіны ("фармат Рамштайн") - група з больш як 50 краін, якія дамовіліся садзейнічаць абароне Украіны ад расейскай агрэсіі.

Першая сустрэча групы, створанай на ініцыятыву ЗША, адбылася 26 красавіка 2022 года на авіябазе "Рамштайн" у Нямеччыне - менавіта таму група атрымала назву "фармат Рамштайн".

У рамках "Рамштайна" было прынята шмат рашэнняў аб перадачы Украіне заходняга ўзбраення. Дзякуючы працы групы Узброеныя сілы Украіны атрымалі сістэмы HIMARS, усталёўкі супрацьпаветранай абароны Patriot, баявыя танкі Leopard 2 і Abrams, а таксама шмат іншага ўзбраення.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com