У Беларусі заўтра ўдзень будзе да +28°С

Прагноз на 13-15 ліпеня.

13 ліпеня ўмовы надвор'я ў Беларусі будуць вызначаць вобласць павышанага атмасфернага ціску і цёплая няўстойлівая паветраная маса. Чакаецца пераменная воблачнасць. Уначы і раніцай па крайнім паўночным усходзе, удзень па заходняй палове ў асобных раёнах пройдуць кароткачасовыя дажджы, навальніцы. Уначы і раніцай месцамі ўтворыцца туман. Вецер няўстойлівы ўначы слабы, удзень умераны, пры навальніцах парывісты. Тэмпература паветра мінімальная ўначы складзе +9..+15°С, на ўсходзе да +18°С, максімальная ўдзень +23..+28°С. Атмасферны ціск істотна не зменіцца.

14 ліпеня ўмовы надвор'я ўначы ў асноўным будзе вызначаць вобласць павышанага атмасфернага ціску, істотных ападкаў не чакаецца, толькі месцамі па захадзе, уздоўж атмасфернага фронту, пройдуць кароткачасовыя дажджы. У дзённыя гадзіны ў многіх раёнах рэспублікі адаб'ецца ўплыў франтальнага падзелу, які перамяшчаецца з тэрыторыі Польшчы, ён прынясе дажджы, па захадзе месцамі моцныя дажджы; у асобных раёнах з навальніцамі. Уначы і раніцай месцамі згусціцца слабы туман. Вецер уначы пераменных кірункаў, удзень паўднёвай чвэрці ўмераны, месцамі парывісты, удзень пры навальніцах моцны парывісты. Тэмпература паветра мінімальная ўначы складзе +10... +16°С, максімальная ўдзень +22..+29°С, па паўднёвым усходзе паветра прагрэецца да +32°С.

15 ліпеня рэспубліка будзе знаходзіцца ў полі паніжанага атмасфернага ціску, пры гэтым з Заходняй Еўропы чакаецца перамяшчэнне кантрасных франтальных раздзелаў. Гэта абумовіць воблачнае з праясненнямі надвор'е. На большай частцы тэрыторыі рэспублікі пройдуць кароткачасовыя дажджы, месцамі моцныя дажджы. У асобных раёнах навальніцы. Уначы і раніцай месцамі па захадзе згусціцца слабы туман. Вецер уначы пераменных кірункаў, удзень паўднёва-заходні, заходні ўмераны, месцамі парывісты, пры навальніцах моцны парывісты. Тэмпература паветра мінімальная ўначы чакаецца +12..+18°С, максімальная ўдзень +21..+28°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com