СМІ расказалі, якую нечаканку для Расеі можа рыхтаваць Трамп

ЗША рыхтуюць адказ на расейскія абстрэлы.

Прэзідэнт ЗША Дональд Трамп разглядае магчымасць вылучэння новага пакету фінансавання для Украіны. Гэта будзе першая пастанова такога характару з часу ягонага ўступлення на пасаду ў студзені 2025 года.

Пра гэта паведамляе CBS News.

Паводле інфармацыі крыніцаў, новае фінансаванне можа мець сімвалічнае значэнне – як сігнал для расейскага кіраўніцтва на фоне масаваных абстрэлаў Украіны дронамі і ракетамі ў апошнія дні.

У пачатку гэтага тыдня Трамп ужо намякнуў на магчымасць пастаўкі дадатковага абарончага ўзбраення Украіне, хоць літаральна некалькі дзён таму ягоная адміністрацыя прыпыніла частку паставак.

Адзін з прадстаўнікоў Белага дому заявіў, што прыпыненне было часткай больш шырокага стратэгічнага перагляду ваенных паставак. Пакуль застаецца нявызначаным, з якіх крыніцаў можа быць прафінансаваная новая дапамога.

Разам з тым, паводле звестак амерыканскіх СМІ, Трамп мае не менш як 3,85 млрд даляраў, якія засталіся ад папярэдняй адміністрацыі, і патэнцыйна можа выкарыстаць блізу 5 млрд даляраў з замарожаных расейскіх актываў.

Аднак, як адзначае CBS News, ні Дональд Трамп, ні ягоны папярэднік Джо Байдэн пакуль не скарысталіся гэтым правам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com