Кілеры, якія забілі палкоўніка СБУ ў Кіеве, ліквідаваныя

Малюк раскрыў першыя дэталі.

Украінскія праваахоўнікі знайшлі і ліквідавалі кілераў, якія забілі палкоўніка СБУ Івана Вароніча ў Кіеве 10 ліпеня.

Пра гэта заявіў кіраўнік Службы бяспекі Украіны Васіль Малюк.

Паводле словаў Малюка, расейцы заўчасна накіравалі ва Украіну агентурна-баявую групу ФСБ. Тры дні таму яна забіла супрацоўніка СБУ палкоўніка Івана Вароніча.

У выніку правядзення негалосных вышуковых, актыўна-контрвыведных мерапрыемстваў варожае логава ўдалося выявіць.

«Падчас затрымання яны пачалі супраціўляцца, быў агнявы кантакт, таму нягоднікі ліквідаваныя. Хачу нагадаць, што адзіная перспектыва ворага на тэрыторыі Украіны – гэта смерць», – падкрэсліў Малюк.

Ён падзякаваў за прафесіяналізм і падтрымку супрацоўнікаў Дэпартамента крымінальнага вышуку Нацпаліцыі.

Дэталі ад СБУ

Як высветлілася, забойства палкоўніка СБУ Івана Вароніча здзейснілі мужчына і жанчына. Іх куратар загадаў ім сачыць за палкоўнікам, высветліць ягоны графік дня і маршруты перамяшчэння.

Пасля гэтага расеец перадаў агентам каардынаты схованкі, дзе знаходзіўся пісталет.

Пасля забойства Вароніча кілеры спрабавалі «залегчы на дно». Але супрацоўнікі СБУ знайшлі іх месцазнаходжанне ў Кіеўскай вобласці. Сёння, 13 ліпеня, раніцай у выніку аперацыі СБУ кілеры былі ліквідаваныя.

Забойства Вароніча

Палкоўнік СБУ Іван Вароніч быў застрэлены раніцай 10 ліпеня ў Галасееўскім раёне Кіева, калі пакідаў пад'езд свайго дому – невядомы стрэліў у яго некалькі разоў з пісталета і ўцёк з месца здарэння.

Вароніч служыў у Цэнтры спецыяльных аперацый («Альфа»), які займаўся актыўнымі дыверсіямі супраць расейскіх сілаў з 2014 года, у тым ліку – ліквідацыяй важных фігураў расейскай акупацыйнай адміністрацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com