Як беларусам не «патрапіць на грошы», плацячы картай у Барселоне ці Рыме?

У банку змадэлявалі тыповую сітуацыю.

Турысты прыносяць прыбытак не толькі буцікам, гідам і гатэлям, але таксама і мясцовым банкам – з дапамогай паслугі «дынамічная канверсія». Што гэта азначае і як можна праз няведанне аплаціць непатрэбныя камісіі, расказаў «Альфа-Банк».

Як выглядае тыповая сітуацыя

Уявіце: вы ў Барселоне, у мясцовым рэстаране, нацешыліся паэльяй і напоямі. Касір прапануе вам на касавым апараце абраць варыянт разліку картай: у еўрах або далярах.

У вас з сабой карта беларускага банка міжнароднай плацежнай сістэмы Visa ці Mastercard у BYN ці USD. Вы выбіраеце аплаціць чэк у далярах. Вось тут і ўзнікае паслуга «дынамічная канверсія».

Што адбываецца: валюта вашай карты, калі гэта BYN, пераводзіцца ў даляры, а потым пераводзіцца ў еўры – нацыянальную валюту краіны. Калі карта ў USD – грошы таксама канвертуюцца ў еўры.

Валютаабменная аперацыя адбываецца паводле курсу – увага – банка-экваера. Гэта значыць, таго банка, чыя каса ўстаноўленая ў гэтым рэстаране. Як правіла, курс такой канверсіі вышэйшы, чым агульнапрыняты курс у гэтай краіне. А яшчэ банк-экваер у 99% выпадкаў накіне вам зверху камісію 3% за саму паслугу канвертавання.

Разам: акрамя грошай на чэку вы заплацілі за перавод грошай з адной валюты ў іншую паводле падвышанага курсу плюс камісію. У выніку сума можа адрознівацца даволі істотна. На дробных чэках – 5, 10, 15 еўраў – вы гэта не асабліва заўважыце. А вось буйныя пакупкі могуць ударыць па кішэні.

Дзе часта сустракаецца паслуга дынамічнай канверсіі і камісіі? У такіх буйных турыстычных цэнтрах, як Рым, Барселона, Парыж, Дубай, на Балі і іншых папулярных кірунках у Азіі.

Што рабіць?

Самае выгаднае – разлічвацца ў падарожжах у нацыянальнай валюце: еўра ў еўразоне, турэцкія ліры ў Турцыі або дыхрамы ў ААЭ. Проста так будзе менш канвертацый. Таму пры наяўнасці выбару лепш выбірайце мясцовую валюту.

Пры гэтым памятайце, што ў турыстычных месцах курс валютна-абменных аперацый ніколі не будзе выгадным для вас. Ён будзе выгадным для банкаў-экваераў, якія абслугоўваюць рэстараны, буцікі, гатэлі.

Калі вы ўсё ж аплацілі суму з канверсіямі, але хочаце поўнай празрыстасці аперацыі, звярніце ўвагу на чэк. У ім павінны быць указаныя:

памер пакупкі ў той валюце, якую вы выбралі;

курс канвертацыі;

памер камісіі, якая спаганяецца банкам-экваерам за паслугу (пры наяўнасці).

Падпісваючы такі чэк, вы згаджаецеся з умовамі прапанаванай вам паслугі дынамічнай канверсіі.

Як прадбачыць гэтую сітуацыю?

Не згаджайцеся бяздумна на выстаўленне сумы пакупкі ў валюце, адрознай ад мясцовай. У тым ліку ў беларускіх рублях.

Будзьце ўважлівыя пры падпісанні карт-чэкаў, правярайце ўказаныя ў іх умовы правядзення аперацыі.

Не падпісвайце карт-чэк, калі вы не згодныя з умовамі, і патрабуйце правядзення аперацыі без ужывання паслугі дынамічнай канверсіі валютаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com