Беларускія камбайны гараць проста на палетках

З пачатку года на аб'ектах АПК пашкоджаныя ці згарэлі 14 адзінак тэхнікі.

З пачатку ліпеня на аб'ектах аграпрамысловага комплексу адбылося восем пажараў, вынікае з праведзенага «Позіркам» параўнання дзённых справаздач Міністэрства надзвычайных сітуацый.

Апошні такі выпадак зафіксаваны 12 ліпеня — пажар адбыўся ў зернеачышчальна-сушыльным комплексе ў Мядзельскім раёне (Менская вобласць).

Паводле справаздач, агнём былі знішчаныя або пашкоджаныя чатыры адзінкі тэхнікі. Электраправодка кормаўборачнага камбайна КВК-800 «Палессе FS80» была пашкоджаная 15 чэрвеня ў Старадарожскім раёне (Менская вобласць); аналагічная сельгасмашына знішчаная на наступны дзень у Вілейскім раёне (Менская вобласць); 20 чэрвеня ў Драгічыне (Берасцейская вобласць) агнём пашкоджаная кабіна, маторны адсек, лакафарбавае пакрыццё і правае задняе кола; 3 ліпеня ў Мастоўскім раёне (Гарадзенская вобласць) агнём знішчаны трактар, пашкоджаная модульная ратацыйная касілка.

За перыяд з 15 чэрвеня агнём было знішчана 75 т саломы, 20 т сена, 0,301 га пасеваў.

У выніку пажару на тэрыторыі малочнатаварнай фермы ў Лельчыцкім раёне (Гомельская вобласць) загінулі 15 кароў, пашкоджаны дах і сцены будынка на плошчы 600 кв. м.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com