У ЕЗ растлумачылі, як адрэагуюць на тарыфы ад Трампа

Контрзахады ўжо падрыхтаваныя.

Еўрапейскі Звяз распрацаваў контрзахады ў сувязі з новымі тарыфамі прэзідэнта ЗША Дональда Трампа. Але ўкараненне контрзахадаў будзе прыпыненае як мінімум да пачатку жніўня - ЕЗ імкнецца дамовіцца з ЗША.

Пра гэта заявіла прэзідэнтка Еўрапейскай камісіі Урсула фон дэр Ляен, паведамляе Reuters.

Дарэчы, падчас размовы з прэсай фон дэр Ляен сказала, што ЕЗ «будзе працягваць рыхтаваць далейшыя контрзахады, каб мы былі цалкам гатовыя». Першы пакет распрацаваных контрзахадаў - гэта тарыфы на амерыканскія тавары на суму, большую за 21 мільярд еўраў. Аднак ён быў прыпынены ў красавіку дзеля перамоў з ЗША.

На падыходзе другі пакет, які распрацоўваецца з траўня. Ён ахоплівае амерыканскія тавары на суму 72 мільярды еўраў. Аднак поўны спіс усё яшчэ не зацвердзілі, акрамя таго яго давядзецца ўзгадніць з усімі краінамі-сябрамі ЕЗ.

Пры гэтым фон дэр Ляен запэўніла, што ЕЗ не будзе пакуль выкарыстоўваць «інструмент супраць прымусу». Ён дазваляе блоку ўжыць захады ў адказ супраць трэціх краін, якія выкарыстоўваюць эканамічны націск на чальцоў ЕЗ.

«Інструмент створаны для надзвычайных сітуацый, мы яшчэ не дасягнулі гэтага», - сказала прэзідэнтка Еўракамісіі.

Мяркуецца, што контрзахады ЕЗ могуць уключаць у сябе абмежаванне доступу амерыканскіх тавараў і паслуг на еўрапейскія рынкі. Акрамя гэтага, пад удар могуць патрапіць амерыканскія інвестыцыі, фінансавыя рынкі, а таксама можа быць уведзены жорсткі экспартны кантроль.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com