Як жыве менскі зваршчык, які здабыў тры мільёны рублёў

Сабе ён купіў толькі кашулю і джынсы.

У пачатку лютага Уладзімір стаў уладальнікам найбуйнейшага выйгрышу за апошнія некалькі гадоў - трох мільёнаў рублёў. На гэтыя грошы разам з ім прэтэндавалі больш за 376 тысяч чалавек. Як ён жыве цяпер, даведаўся onliner.by.

Пра простага зваршчыка з Менска Уладзіміра тысячы людзей даведаліся ў лютым гэтага года. Для гэтага спатрэбілася стаць уладальнікам найбуйнейшага за апошнія некалькі гадоў здабытку.

Шмат каму было цікава, як Уладзімір распусціць такія грошы. Вось як ён адказаў на гэтае пытанне ў першым інтэрв'ю: "здабытымі грашыма я падзялюся найперш з сям'ёй: мамай, дачкой, двума сёстрамі, стрыечнымі. Яшчэ ў мяне ёсць унук, яму 3 гадкі, — планаваў і без выйгрышу падарыць яму электрычную машынку. Магчыма, адкрыю яму рахунак да паўналецця, напрыклад, каб былі грошы на вучобу».

Нейкіх асаблівых асабістых жадункаў ва Уладзіміра не было, хіба што паехаць летам у адпачынак на Байкал. Дарэчы, нягледзячы на здабыты статус мільянера, мужчына не планаваў кідаць працу на будоўлі. З усмешкай казаў, што аднаму сядзець дома не варыянт, так можна з глузду з’ехаць. Ці змянілася нешта за паўгода?

- З працы я не сышоў, працую. Са здабытых грошай ужо выдаткаваў амаль палову. Купіў дом дачцэ, як і абяцаў, падарыў кватэру сястры. Калі шчыра, то сабе купіў новыя джынсы і кашулю. І ўсё! - смяецца мільянер.

Са слоў мужчыны, з просьбамі даць у пазыку да яго практычна не звяртаюцца. Хіба што па-суседску нядаўна папрасілі на зубы, але паступова суму вяртаюць.

Яшчэ ў першым інтэрв'ю журналісты цікавіліся: ці не баіцца беларус празмернай увагі ад незнаёмцаў? Тады Уладзімір быў упэўнены, што нашы людзі занадта інтэлігентныя, каб падысці на вуліцы. Так і выйшла: ні разу ніхто знаёміцца не падыходзіў.

- Нават крыўдна! - усміхаецца мужчына. - Бывае, што на працы, калі з аб'екта на аб'ект пераязджаем, мяне могуць падкусваць, маўляў, «мільянер на будоўлі». Сам жа я як жыў у цешчынай кватэры, так і жыву, жадання пераехаць не з'явілася. Пакуль займаюся рэканструкцыяй бацькоўскага дома, там да халеры працы. Адпачынак у жніўні, напэўна, там і прабаўлю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com