Reuters: Беларускія банкі і абаронная прамысловасць пад ударам

ЕЗ амаль узгадніў 18-ы пакет санкцый.

Адзначаецца, што ўжо ўзгодненыя ўсе элементы пакета, але адна з краін-чальцоў захоўвае тэхнічныя агаворкі з нагоды новай коштавай граніцы на расейскую нафту.

Крыніцы Reuters на ўмовах ананімнасці паведамілі, што чакаюць заканчэння перамоў 14 ліпеня, напярэдадні сустрэчы кіраўнікоў МЗС ЕЗ у Брусэлі, дзе пакет можа быць афіцыйна ўхвалены.

Таксама Reuters піша, што паслы ЕЗ пагадзіліся на ўкараненне дынамічнага цэнавага механізму. У пятніцу Еўракамісія прапанавала зменлівую мяжу кошту расейскай нафты - на 15% ніжэй за сярэдні рынкавы кошт за апошнія тры месяцы.

"Адная з крыніц паведаміла, што пачатковы кошт складзе блізу 47 даляраў за барэль, зыходзячы з сярэдняга кошту расейскай нафты за апошнія 22 тыдні мінус 15%. Таксама пастанавілі пераглядаць кошт кожныя шэсць месяцаў, а не кожныя тры, як прапаноўвалася раней”, — паведамляе Reuters.

Славакія, якая раней блакавала прыняцце пакета, дагэтуль чакае ад Еўракамісіі гарантый, бо асцерагаецца паэтапнай адмовы ад паставак расейскага газу.

18-ы пакет санкцый ЕЗ звязаны з уварваннем Расеі ва Украіну. Санкцыі накіраваныя на даходы Масквы ад энэргетыкі, яе банкі і вайсковую прамысловасць. Таксама ў гэтым пакеце, як паведамлялася, будзе ўведзеная поўная забарона на аперацыі з беларускімі банкаўскімі структурамі, якая раней тычылася толькі Swift.

Паведамляецца, што дадатковыя санкцыі абмяркоўваліся супраць чатырох банкаў, якія ўжо траплялі пад абмежаванні з боку ЕЗ — гэта «Беларусбанк», «Белаграпрамбанк», «Белінвестбанк» і «Банк Дабрабыт».

Таксама ў новым пакеце пад санкцыі трапяць чатыры беларускія кампаніі, якія працуюць у сферы абароны і вайсковай прамысловасці. І ўпершыню пад забарону патрапіць імпарт зброі з Беларусі ў ЕЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com