Беларускіх генералаў прымусілі здаць нарматывы

Вальфовіч бадзёра даў справаздачу: генералы і палкоўнікі бегаюць і падцягваюцца як алімпійцы.

З кіраўнікамі беларускіх сілавых ведамстваў правялі заняткі ў фізічнай падрыхтоўцы. Пра вынікі расказаў дзяржаўны сакратар Рады бяспекі Аляксандр Вальфовіч, паведамляе БелТА.

Паводле яго, ідэя здачы нарматываў генераламі належыць Аляксандру Лукашэнку. Рэалізацыя праекта была ўскладзеная на Савет Бяспекі, афіцэры якога таксама ўзялі ўдзел.

У выніку фізкультурныя нарматывы здавалі ўсе генералы і палкоўнікі, якія займаюць генеральскія пасады, з 11 сілавых ведамстваў.

Вынікі вышэйшыя за усялякую хвалу

Здача нарматываў праходзіла з прыцягненнем спецыялістаў спартыўнага камітэта Узброеных Сіл на базе Менскай сувораўскай вайсковай вучэльні і Цэнтральнага дома афіцэраў.

Вайскоўцы выконвалі некалькі відаў практыкаванняў. На цягавітасць здавалі бег на 500м або плаванне на 100м.

Для праверкі сілы на выбар былі класічныя падцягванні або комплекснае сілавое практыкаванне.

Вальфовіч заявіў, што ўсе катрольныя службовыя асобы паказалі толькі выдатныя і добрыя ацэнкі.

«Ніводнай нездавальняючай, здавальняючай ацэнкі атрымана не было. Пры гэтым 70% выдатных ацэнак і 30% - добрых», – падаў лічбы сакратар Савета Бяспекі.

Ён падкрэсліў, што заняткі былі праведзеныя ў адпаведнасці з настаўленнем у фізічнай падрыхтоўцы ва Узброеных сілах, а там самыя жорсткія нарматывы ў параўнанні з іншымі структурамі вайсковай арганізацыі дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com