Ілля Шкурын, які выступае за польскую «Легію», не ляціць на матч у адказ у Казахстан

Прычына - у Лукашэнку.

Футбаліст Ілля Шкурын, які выступае за польскую “Легію”, не ляціць на матч у Казахстан, які пройдзе 17 ліпеня, праз рызыку быць затрыманым. Пра гэта ў сацсетцы X напісаў польскі спартыўны журналіст Кшыштаф Марціняк.

У чацвер Варшаўская “Легія” згуляе з казахстанскім клубам “Актобе” ў матчы ў адказ першага кваліфікацыйнага раўнду Лігі Еўропы. Але адзін з нападнікаў каманды - беларус Ілля Шкурын - не паедзе на матч.

Ілля Шкурын адкрыта крытыкуе Аляксандра Лукашэнку. У 2020-м Шкурын заявіў, што адмаўляецца прыязджаць у каманду, пакуль Лукашэнка ва ўладзе.

Таму нападнік "Легіі", як піша польскае выданне Sport.pl, асцерагаецца, што беларускія ўлады могуць праз спецслужбы Казахстана стварыць яму праблемы - напрыклад, не ўпусціць яго ў краіну, затрымаць у аэрапорце або ў гатэлі.

"Ілля Шкурын не паедзе ў Казахстан на матч з "Актобе". Прычына - не ў стане здароўя, а хутчэй у палітыцы. Футбаліст асцерагаецца, што беларускі рэжым, які крытыкуецца ім, мог бы, у супрацоўніцтве з казахстанскімі спецслужбамі, стварыць яму праблемы", - напісаў Кшыштаф Марціняк.

У клубе патлумачылі, што Шкурын не едзе ў Казахстан “з асабістых прычын”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com