У Менску з'явіцца трэцяе транспартнае кальцо

А другое ўсё ж такі замкнуць.

У Менску з'явіцца трэцяе транспартнае кальцо, а другое ўсё ж замкнуць. Падрабязней расказалі ў «Гардарбуд», піша БелТА.

Дырэктар «Гардарбуда» Сяргей Панеў назваў амбіцыйнымі планы працы над трэцім кальцом. У выніку яно мусіць злучыць Фрунзенскі і Цэнтральны, Кастрычніцкі і Маскоўскі раёны беларускай сталіцы.

– Усё гэта ў распрацоўцы, будзе рэалізавана, – растлумачыў ён.

І ўдакладніў, што паводле праекту дэталёвага планавання горада, маршрут кальца павінен быць пракладзены праз спальныя і прамысловыя раёны Менска. Пры гэтым месцамі ў трэцяе транспартнае кальцо могуць быць уключаны існыя вуліцы, але месцамі будуць пракладацца і новыя дарогі. Трэцяе кола можа з'явіцца ўжо да 2030 году.

Пакуль жа ў беларускай сталіцы – два ўнутраныя кальцавыя маршруты. Першае транспартнае кальцо звязвае вуліцы Казлова, праспект Машэрава, вуліцы Талстога, Магілёўскую, Аранскую, Чапаева і Бядулі.

Другое транспартнае кальцо праходзіць праз вуліцу Сурганава, Арлоўскую, праспекты Пушкіна і Жукава, Аэрадромную, Дзянісаўскую і заканчваецца на Ванеева. Каб замкнуць кольца, маюць намер пабудаваць прамы адрэзак ад Ванеева да Акадэмічнай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com