«Манчэстэр Сіці» падпісаў рэкордны кантракт з Puma

На £1 млрд.

Вытворца спартовага адзення Puma і «Манчэстэр Сіці» падпісалі новы доўгатэрміновы кантракт. Пра гэта паведамляецца на сайце ангельскага клуба.

Puma з'яўляецца тэхнічным спонсарам «Манчэстэр Сіці» з 2019 года. Яна пастаўляе спартовую экіпіроўку ўсім камандам сістэмы клуба.

Паводле звестак The Guardian, новы кантракт прадугледжвае штогадовую выплату памерам £100 млн да 2035 года (кантракт на £1 млрд). Гэта новы рэкорд у гісторыі ангельскага футболу. Паводле папярэдняй дамовы з нямецкай кампаніяй «Манчэстэр Сіці» атрымліваў £65 млн за год.

Раней рэкорд належаў «Манчэстэр Юнайтэд» – у 2023-м каманда падпісала кантракт з Adidas на £90 млн за год (агульны памер – £900 млн).

«Мы аб'ядналі намаганні з Puma, імкнучыся кінуць выклік самім сабе і перасягнуць чаканні. За апошнія шэсць сезонаў мы дасягнулі гэтага і шмат чаго іншага. Сённяшняе пагадненне ўмацоўвае нашы стасункі і нацэльвае іх на яшчэ больш светлую будучыню», – сказаў Феран Сарыяна, генеральны дырэктар City Football Group, якая кіруе «Манчэстэр Сіці».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com