Зямля стала круціцца хутчэй, а содні скараціліся на 1,3 мілісекунды

Да якіх наступстваў гэта прывядзе?

9 ліпеня 2025 года Зямля здзейсніла адно з самых хуткіх кручэнняў за апошнія гады – содні скараціліся на 1,3 мілісекунды ў параўнанні са звыклымі 24 гадзінамі.

Гэта не абсалютны рэкорд, але сур'ёзны сігнал для сістэмаў, якія працуюць з высокай дакладнасцю сінхранізацыі: спадарожнікавы рух, біржавыя транзакцыі і тэлекамунікацыі залежаць ад мікрасекунднай дакладнасці. Нават такое малое адхіленне ад стандартнага часу можа прывесці да збояў.

Чыннікі паскарэння хаваюцца ў складанай дынаміцы планеты. Сярод чыннікаў – прыліўнае ўздзеянне Месяца, перамяшчэння ў ядры і мантыі Зямлі, а таксама пераразмеркаванне масы на паверхні. Навукоўцы звязваюць гэта з раставаннем леднікоў, моцнымі землятрусамі і сезоннымі зменамі водных запасаў.

Паводле прагнозаў, яшчэ два «паскораныя» дні чакаюцца ў найбліжэйшы час: 22 ліпеня даўжыня содняў скароціцца на 1,38 мілісекунды, а 5 жніўня – на 1,52 мс. Гэта можа заахвоціць міжнародную супольнасць перагледзець падыход да каардынацыі часу, у тым ліку абмяркоўваецца магчымасць увядзення адмоўнай секунды – крок назад у адліку часу для сінхранізацыі атамных і астранамічных гадзіннікаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com