У Менску - наплыў фальшывых даляраў

Што адбываецца?

У Менску супрацоўнікі міліцыі затрымалі мужчыну, які падазраецца ў распаўсюдзе фальшывых даляраў. Падставай для пачатку расследавання сталі звароты некалькіх банкаў аб выяўленні падробленых купюр пры валютна-абменных аперацыях, паведамляе ГУУС Мінгарвыканкама.

Аператыўнікі затрымалі двух мужчын - 43-гадовага менчука і 22-гадовага замежнага студэнта - пры спробе абмену падробленых стодаляравых купюр. З іх слоў, грошы яны атрымалі ад невядомага пакупніка, якому далі свае мабільныя тэлефоны праз онлайн-платформу.

Падчас далейшага расследавання быў выяўлены і затрыманы 35-гадовы раней судзімы жыхар Менска. Паводле звестак міліцыі, ён закупляў фальшывую валюту ў суседняй краіне, пасля чаго праз Інтэрнэт знаходзіў прыватныя аб'явы аб продажы смартфонаў. З дапамогай кур'ераў ён перадаваў прадаўцам падробленыя грошы, забіраючы гаджэты, якія затым збываў заніжаным коштам на рынках.

Супрацоўнікі міліцыі канфіскавалі ў мужчыны 15 падробленых купюр наміналам 100 даляраў. У дачыненні да яго распачатая крымінальная справа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com